aaaaaaalso, es isch ändlich definitiv...
I flieg am 6te März 2008 für rund 2.5 Mönet uf Hawaii :D
Die erschte 9 Wuche gangi ine Schuel mini Änglischkentniss go verbessere, nohär reisi no zwöi Wuche ume und nach emnä 2tägige Ufenthalt in New York chum i zrugg in d'Schwiiz...
Für alli die wo wänd wüsse wo Hawaii überhaupt isch...
also, i wird uf dr Insle Oahu si, das isch die 3. gröschti Insle vo Hawaii. Hawaii hett insgesamt mehr als 100 Insle (die meischte si aber soooo chlii). Oahu isch wie gseit eini vo de grössere und zwar mit 1575m2. Dr Stadtteil Waikiki glich scho anere amerikanische Grossstadt, es hett Wulchechratzer, Shoppingmeilene (juhuu) aber es isch halt doch öpis anders wills glichziitig am Strand liegt - und was füre schönä:)))
Ich weiss halt jetzt noni wo i genau wird wohne.. aber sicher irgendwo i Honolulu binere Gaschfamilie, wo i au e Einzelzimmer wird ha... luut em Prospäkt, muess i maximal 60 Minute laufe bis i in dr Schuel bi... naaaaaaaaja... vellicht bruch i jo das de, je nach ässä :o) schlimmer als i Ängland chas jo nid si, dört bini au täglich 45 Minute hügel uf und hügel ab tschalpt...
Was vellicht au no spannend isch, die gsamti Flugziit vo Züri bis i de ändli in Honolulu achum beträgt rund 37 Stund...In LA wird i e Nacht schlofe, aber i dänk i wird glich rächt ko si wenn i de ändli achum :D ABER: es wird sicher soooo schön si dört dass i gar nüm a mini Müedigkeit mag dänke :D
In mine zwöi (eigentlich 3) Büecher vo Hawaii lies i fascht täglich...s'dritte Buech wär 1000 Places to be befor you die, dört stoht au no öpis vo Hawaii drin... sehr e spannends Buech, gäll Vali:o)
Abonnieren
Kommentare zum Post (Atom)
2 Kommentare:
ou man..also ich freu mi jo scho meega feschd für di. das wird super, hawaii isch sichr traumhaft und d lüt sin sichr super. e mega erfahrig...
aaaaber eso toll findis halt doch nid di so lang nid z gseh.
mit wäm gang ich denn furt und ins sole uno und ins starbucks und go shoppe und mit wäm red ich über alles und nüt? :( ha di mega feschd lieb! wirklich mega! bisch eifach e riese schatz und ich bi froh dass es di git. au wenn das blöd tönt und jede das schribt. s chunt vo härze. e diggi umarmig und bis bald
jö merci villmol vali:) muesch aber nid so due, weisch bisch jo sälber au nid ume :)) aber mer chöi jo de, wenn du i australie bisch und i uf hawaii, de chöi mer zämä telefoniere während mer im starbucks hocke und euse frappuchino drinke:)) schliesslich isch d'ziitverschiebig vo mir zu dir nüm so gross :D chchchch user dass du vorus bisch und ich hindedri :) ha di au ganz fescht gärn und bi au ganz fescht froh dass es di git :))))
Kommentar veröffentlichen