our after thanksgiving-turkey

Last Thursday was the traditionally Thanksgivingday in the United States... We celebrate this day today, at Saturday the 24th November 2007 :)) My father bought last friday a 4 kilo Turkey @ Migros (hihi)

---------------------------------------

dr Truthahn hett sich i eusem Chüehlschrank vo dere Chälti dörfe erhole, hütt am Samschtig hett er de Truthahn usgspüehlt, useputzt und de mit Salz und Pfäffer igriibe... I dr Zwüscheziit hei mer dr Stangesellerie, Zwiebele (Furzmunition), dr Späck und d'Peterlie inere Brotpfanne abrötlet, mit Wiiswii und Hüehnerbuillon abglöscht. Nohär hei mer de s'Toaschtbroot (oder Maisbrot) drzuegäh bis es e gueti Pampe worde isch...

De hei mer dr Güggel gfüllt und mit dr Chochschnurr zämäbunde...Während rund 4 Stund isch euse Jonny im Bachofe gsi (bi 200° und nach 10min. bi 160°). All 15 Minute hei mir dr Truthahn mit Öl igstriche, dass er nid uströchnet...

In dr Zwüscheziit hei mer natürli schomol chönne dr Härdöpfelstock, d'Röselechöhl und dr Salat parat mache... Nachdäm eusi Gäscht itroffe si, hei mer euse Prachtskerl usem Ofe gno und tataaaaaa, das isch s'Ergäbnis :D

News from SuuSu :)

aaaaaaalso, es isch ändlich definitiv...

I flieg am 6te März 2008 für rund 2.5 Mönet uf Hawaii :D

Die erschte 9 Wuche gangi ine Schuel mini Änglischkentniss go verbessere, nohär reisi no zwöi Wuche ume und nach emnä 2tägige Ufenthalt in New York chum i zrugg in d'Schwiiz...

Für alli die wo wänd wüsse wo Hawaii überhaupt isch...

also, i wird uf dr Insle Oahu si, das isch die 3. gröschti Insle vo Hawaii. Hawaii hett insgesamt mehr als 100 Insle (die meischte si aber soooo chlii). Oahu isch wie gseit eini vo de grössere und zwar mit 1575m2. Dr Stadtteil Waikiki glich scho anere amerikanische Grossstadt, es hett Wulchechratzer, Shoppingmeilene (juhuu) aber es isch halt doch öpis anders wills glichziitig am Strand liegt - und was füre schönä:)))

Ich weiss halt jetzt noni wo i genau wird wohne.. aber sicher irgendwo i Honolulu binere Gaschfamilie, wo i au e Einzelzimmer wird ha... luut em Prospäkt, muess i maximal 60 Minute laufe bis i in dr Schuel bi... naaaaaaaaja... vellicht bruch i jo das de, je nach ässä :o) schlimmer als i Ängland chas jo nid si, dört bini au täglich 45 Minute hügel uf und hügel ab tschalpt...

Was vellicht au no spannend isch, die gsamti Flugziit vo Züri bis i de ändli in Honolulu achum beträgt rund 37 Stund...In LA wird i e Nacht schlofe, aber i dänk i wird glich rächt ko si wenn i de ändli achum :D ABER: es wird sicher soooo schön si dört dass i gar nüm a mini Müedigkeit mag dänke :D

In mine zwöi (eigentlich 3) Büecher vo Hawaii lies i fascht täglich...s'dritte Buech wär 1000 Places to be befor you die, dört stoht au no öpis vo Hawaii drin... sehr e spannends Buech, gäll Vali:o)