Chäs, Bärge, Schoggi und SIRUP :D

I HAS GSCHAFFT!!!!

Nachdäm mini Maschine in New York mit 2h Verspötig gstartet hett, bini hütt am Morge i dr schöne Schwiiz glandet.

Dr Michi hett mi abgholt und hei brocht :) Nohär hani mini liebe Eltere ääändlich dörfe knuddle und umarme! :D I bi so glücklich gsi!

Und es goht mer wieder richtig guet!!!

Natürli hani zum Znacht e feins Fondue becho und e Stück Schwarzwäldertorte :o)

Adiö and Welcome @ home

... no hütt flieg i ab und morn bini scho dehäi i dr schöne, warme Schwiiz :)

Goodbye California

jetzt bini no am Packe und morn am 4i morge gohts los an Flughafe...
I flieg am halbi 7ni morge mit dr American Airline uf New York :D d'Kesang los i do! :)) Si goht mit em Roger no e paar Dääg uf Las Vegas.

Glücklicherwies hani hütt am Morge no mis Hostel in New York welle aluege UND... es isch ZUE! Ahnschinend hetts Goverment de Lade zue gmacht... Naja, jetzt bini halt imne Lifestyle Hotel :)

Spenden werden gerne angenommen. Bitte um Einzahlung auf das Konto 0.000.000.000 bei der Glücksbank ;))) Nei seich... isch mer rächt so, so hani au würkli min Platz für mis Gepäck etc. Im Hostel wäri imne 6er Zimmer gsi und je nach däm hätt i sogar mit de Köffere im Bett müesse schlofe...

Bin froh wenn i all wie nöcher Heim chum. Freu mi jetzt so richtig uf d'Schwiiz... LA isch also gar kei Stadt gsi für mi :)

I mäld mi nomol vo New York und sunscht bis baaaaald :)

Universal Studios

Hütt simer d'Universal Studios go aluege... :D
Nach ere lange Warteziit- d'Amis hei e Fiertig das Wucheänd, simer de ändlich ine cho :D

Zerscht hei mer e Rundfahrt gmacht dur alli Studios. Mit emnä Bähnli simer durs Zügs gfahre und hei no teil Sache chönne miterläbe...
Sisch mega spannend gsi und natürli einiges Grösser als Filmstudio Bavaria i Münche, wo i jo au scho gseh han...

Was do i Hollywood sehr spannend gsi isch, ischs Viertel vo Desperates Housewifes, King Kong, alli 3 Fast and Furious etc. Hett rächt vill spannendi Film wo si do dreiht händ :D

Natürli au Simpsons :D 2 Stund simer agstande dass mer uf d'Achtibahn hei chönne goh...e sehr spezielli Achtibahn ---> 4D! :D Si eigentli nur imne Wägeli gsässä wo bitz gwagglet hett, aber mir ischs so schlächt worde ab däm ganze Film wo si hei lo laufe ;) Bi halt au nüm die Jüngscht :o)

Gescht Zobe simer au scho zu de Universal Studios, will mer im Hard Rock Café si go Znacht ässä... :D Isch rächt gigantisch gsi wie si sone chlini Stadt ufbaut hei wo alles blinkt und lüchtet... :D So hani mer Los Angeles vorgstellt und mer hei eus beidi wöhler gfühlt :D Juhuuu :)

Bilder chani leider keini ufelade... mir hei do sone doofi Internetverbindig wo rächt langsam isch und immer wieder unterbricht...:( Aber bin jo bald dehäi ,)

Wunschliste

Liebes Mami, lieber Papi und alli andere wo mi gärn wänd zum Ässä ilade :))

Das isch mini Wunschlischte, was i uuuunbedingt wött ässä wenn i zrugg bi i dr schöne Schwiiz:

- Fondue (alli Variante!)
- Raclette
- Chässchnitte
- Älplermaccaroni
- Wurschtsalat mit Bomfrit
- Cordon-Bleu
- Spaghetti (au alli Variante!)
- Härdöpfelstock mit Ghacktem
- e feine Salat mit ere feine Salatsauce!!! (das gits do jo niene!)
- Zürigschnätzlets
und zu guter Letzt: ES FEINS STÜCK BROOT!!! (mit Butter ohni Salz! :D)

So... ev. chunnt mer jo no öpis in Sinn ;))

Bitte entdecke mich....!!!! HELP HELP!

Hütt am Morge simer mit eusem Lotti an die 29th Street gfahre zum Roger. Nohär simer an Hafe vo Santa Monica go Zmörgele. Isch sone Chörnlepicker-Restaurant gsi, aber gaaanz fein :D
I ha 3 gsundi Eier gha mit gsundem Späck, gsunde Potatoes und gsundem Toaschtbrot (natürli mit Chörnli :)) Drzue e früschprässte Orangesaft und e feine Kaffi - und zu guter Letzt - ES TIRAMISU :) Mhmmmm :))

Nach ca. 2h simer de no an Venice Beach gfahre... dr Strand "See and be seeing"...! I glaub mir 3 schräge Vögel si völlig Normal gsi :D Ändwäder sind si im Tanga umgeloffe und hei ihri Muskle zeigt oder si hei eifach sunscht e komische Egge ab gha ;) Dört sött me mol dr Stuehl anestelle und e Daag lang zueluege ;)))

Nachdäm mer eus vom Roger verabschiedet hei - er isch mit sim MiniVan uf San Diego - bini mit dr Kesang zu de Hollywood Signs. leider hei mer nid nöcher ane chönne goh, aber immerhin hei mer se mol vo nöcherem gseh :)

Jetzt göi mer no is Hard Rock Café go Znacht ässä - mol wieder e Bolle-Fleisch :)

Walk of Fame

es isch so chalt do und mir müend eusi Jagge alegge... das isch ziemlich gruuuusig und ungwohnt für eus :(((

Hütt hei mer eus mol ufe Wäg zum Walk of Fame gmacht… Nachdäm mer mol zerscht i die falsch Richtig gloffe sin, hei mer d’Stärnestross doch no gfunde…

ich mit em Sean Connery sine Händ- und Füessabdrück

Aber mer si grad rächt enttüscht gsi… s’hett zwar schöni Stärnle am Bode gha, aber zringserum bisch dr vorcho wie imne Ghetto… hmmm… hei de mol e Charte gholt vo däm Viertel und glichzittig no e Tour buecht dur Hollywood.

i mitem Spidermann und mitem Kermit the Frog-Stärnli :))

Am halbi 2 ischs de los gange… mit emnä MiniVan simer dur Hollywood und Bel Air chauffiert worde und hei d’Hüser vo de Stars chönne go aluege… Die einte hei imne hässliche Appartment gwohnt und die andere hei inere riese Villa gwohnt.

Dr Julia Roberts ihri Villa Rosa isch riiiiiesig… so öpis hani nonie gseh…und dr Hammer: das isch nid mol ihre Hauptsitz, die gueti Frau chunnt nur ab und zue mol i die Villa cho wohne!!! Unglaublich… do hani schnäll gmerkt, i ha dr falschi Job… (aber isch jo au guet so J) Nohär hei mer no em David Beckham sis Huus gseh, aber nur vo wiitem, do nur e private Wäg dört anefüehrt…

In Bel Air hei mer em Robbie William und em Jack Nickolson sis Huus gfunde und unterwägs hei mer dr Steven Spielberg no atroffe… :))Leider nur im Auto aber nohär hei mer au no sis Huus dörfe bestuune :) Mega schön gsi :D

De Hiltons ihri Villa hett me leider au nid gseh do die so versteckt gsi isch. Drfür hei mer de Nochbere Richis ihres Huus gseh (Lionel Richi).
Ufem Rückwäg simer no dure Rodeo Drive wo die tüüre Läde si duregfahre… ev. Träffe mer jo dört mol en Star ah bim Shoppe :)))
Am spote Nomidaag simer no bitz am Hollywood Boulevard umegloffe und i ha dr Superman atroffe und e paar bekannti Stärnle am Bode :)

Vorhär hei mer gfunde mer göi no rasch öpis chlins go ässä... und do mer hütt scho bimne guete Mexikaner gsi sind, simer nomol zu däm...nur hett de kei Parkplatz vornedra gha...de hei mer ine Sitegässli müesse und i gseh nur PARKING! und schwupsdiwups simer drin... ha nid schlächt gluegt wo i gseh han, dass das s'Parking vom Roosevelt Hollywood gsi isch... bi mer grad blöd vorcho wo i dr eint gfrogt ha öp i de do au dörf parkiere - scho hett er mini Tür ufgmacht und mir hei müesse usstige, dass ER EUSES AUTO CHAN GO PARKIERE!!!! so öpis hani jetzt würkli nonie erläbt - wie ihr merket, mit em parkieren hani do mini Problem ;))) Aber isch doch au schön gsi... vorallem nohär simer mit eusem Fastfood-Restaurant-Bächer zrugg gloffe und luuter gschniggleti Lüüt si eus entgegecho... ---> schnäll istige und abfahre! :)))

LA isch jo doch nid so langwillig wie mer dänkt hei ;)

on the Way to Hollywood...

hmmmm... also schöner hei mers eus jo eigentlich scho vorgstellt...

Hütt am Morge hei mer Uscheckt und si mitem Auto uf Los Angeles gfahre... dr erschti Stop hei mer am Laguna Beach gmacht... Kei gueti Idee gsi im nochhinein... Do mer d'Maschine für d'Parkgebühr nid gfunde hei und sowieso gstande isch dass die erschte 3h Gratis si, hei mer eus ufe Wäg a Strand gmacht - de isch nid so schön gsi, simer zrugg zum Auto und siehe da EINE BÖSE ÜBERRASCHUNG... i ha mini erschti Parkbuess becho und die grad no am Laguna Beach... unglaublich!!! und s'Beschte... das schiss Maschinle wär diräkt vor eusem Auto gsi!!!!!!

Simer halt mitem Lotti diräkt ufe Polizeiboschte und hei eusi 36 Dollar abgäh... :(

Nohär simer no an Newport Beach und de uf diräktem Wäg uf Hollywood.

Mer si imne chline, härzige Hotel diräkt am Hollywood Boulevard... bis jetzt hei mer no nüd gseh und gmerkt vo dere Glanzwält, aber morn mache mer eus ufe Wäg zu de Stärne ;)
Zum Zmittag hei mer no mit em Roger, dr bruun St. Galler vo Hawaii, abgmacht, er isch scho sit ere Wuche do in LA und goht am Samschtig witer richtig San Diego...

Mer vermisse Hawaii, d'Wärmi und nomol die mega fründliche Lüüt... do muesch sogar füre Goggi (Coke) dr Uswiis zeige - wieso verstand i jetzt noni...

Day II in San Diego

Hütt am Morge simer richtig La Jolla gfahre, mit eusem tolle chline Auteli und dr Lotti, eusem Navigationssystem :)

La Jolla isch bitz oberhalb vo San Diego und mir wüsse bis jetzt noni wie me die Ortschaft usspricht... La Hoya, la Choia, la Jocha??? we don't know - but how cares :)))

Dos dört nid würkli öpis spannends gha hett unds am Strand sooo chalt gsi isch simer zrugg richtig Downtown...

Bim Zwüschestop bim Balboa-Park hei mer en SUPER-Hotdog gässä...eus ischs jetzt no schlächt, esone fettigi Wurscht...iiih... Aber isch no schön gsi, e Stück Heimat - d'Nicci de Saint-Phalle hett dört 2 Figure gha :))


Nohär simer an Hafe, Seaport Village. Dört hetts ganz vill chlini, härzigi Lädeli gha und gaaanz vill Sache vo Hawaii... hei eus doch e bitz wöhler gfühlt und d'Kesang und I hei beidi müesse säge "MIR WÄND ZRUGG I D'WÄRMI VO HAWAII!". Nohär hei mer en Canadier oder Franzos troffe mit ere Abercrombie & Fitch-Täsche und de simer richtig Horton Plaza. Das isch e rächt e grosses Ichaufszenter gsi, ebe unteranderem mit A&F und JAMBA JUICE ;)))mhmmmm...

jetzt hei mer grad no e Hotel buecht in Hollywood, morn am Morge fahre mer los...rund 3h sött d'Fahrt duure...bin gspannt... hoff s'Lotti schloft nid ih unterwägs...:))

no e paar Föteli

die hungrige Seelöie, wo um ihri Fisch kämpft händ...

d'Kesang und Ich vorem Pinguine Huus :))


dr Shamu und sini Trainerin...

EIS in San Diego... uuuh isch das Chalt gsi...

... aber gsehndr wie Bruun i bi? :)))))

Welcome Mainland [San Diego]

hello...

sit gescht bini mit dr kesang in san diego...
erscht idruuck....WO ISCH DIE WÄRMI? UND WO SIND DIE LOCKERE LÜÜT???

euse Taxichaffeur isch en rächt komische Vogel gsi... und wo mer no öpis Znacht hei welle go chaufe, guet, es isch au scho ca. halbi 1 gsi i dr Nacht, si eus doch paar komischi Gstalte begägnet... krassi HipHopper und sunscht irgendwelchi Hübis :)

Hütt simer de am Morge no euses Auteli go abhole, inkl. Navigationssystem (SUPERSACH) und si de grad is SeaWorld. Isch glaub s'gröschte wos git... Bi rächt erstuunt gsi...Bim Igang hett me s'Billet und dr rächti Zeigfinger müesse iscanne... (hmmm typisch A***) nohär simer mol losgloffe...

Um die 12i hei mer de au d'Orcawal-Show agluegt - mit em Shuma. Isch eifach mega schön gsi, isch mer grad e Träne abegloffe wo i die schöne Tier gseh han... :) (ha nonie e ächte FreeWilly gseh...) Nohär simer de grad an d'Delphineshow. Und sunscht eifach schön gmüetlich umegloffe und hei alli andere Meerestier bestuunt.. Isch alles wunderschön gmacht, e bitz im Stil vom Europa Park :)

Nohär simer no is Gaslamp-Viertel. Das isch e rächt "alts" Viertel wo ganz vill chlini, härzigi Restaurant und Bars hett. Mer si imne italiänische Restaurant go Znachtässä UND es isch suuuper fein gsi :) (Wird glaub au vonere italiänische Familie gfüehrt). Nohär simer de au wieder zrugg i euses Hotel :)

Hei grad nomol e Nacht zuesätzlich buecht. Wärde wohrschins ufe Donnschtig de Richtig Los Angeles fahre :)

Jetzt hei mer -9h Ziitverschiebig und es isch chalt...brrr... vermiss Hawaii also scho...:(

goodbye hawaii, honolulu, waikiki...

i due jetzt äxtra kei Foti do aneposte vo mim Hotelzimmer...
sunscht hättet dr alli en Schock :D seht us als hätt dr Blitz igschlage :)))

Mini Rückreis vo Maui isch super gsi... d'Fähri isch schööön ruhig blibe und i ha gmüetlich i mim Stuehl chönne schlofe...
Jetzt häi mer no paar Dääg s'Hotel diräkt am Waikiki gha, mol öpis anders, wenn im Chueche bisch... (vorhär hani jo scho rund e halb Stund gha mit em Bus + de no d'Warteziit uf de Bus...)

Gescht bini no mit e paarne i mim Lieblingsrestaurant go ässä, zum letschte Mol mis heissgeliebte NEW YORK STEAK WITH BEACH FRIES :)) (Duke's Style ;)) und hütt zum letschte mol an SWISS ARMY BEACH (eigentlich Fort deRussy-Beach... aber dos dört nur Schwiizer hett, isch das euse Army Beach, wills Army Museum grad dört isch...)

Jetzt bini ebe am Packe... und i weiss nid wo ane mit däm Züüg...

Morn muess i am 8.00 uf d'Poscht mis Päckli go abschicke (8-tung Mami, nid lüpfe, chönnt schwer si :)) und bitte nid ufmache, hett no paar Souveniers drin ;o)) und nohär no rasch mini LomiLomiMassage go gniesse und de müend d'Kesang und i au scho ufs Taxi...
Hei eus leider bitz mit dr Ziit verrächnet und drum hei mer morn bitz e Stress... aaaaber ebe... i Hawaii isch das alles ganz eifach :o)

Am 1.35pm fliege mer vo Honolulu diräkt uf San Diego. Dört simer ca. am 10ni Zobe (Ortsziit) und de göi mer au grad mol ine Hotel am Flughafe. Am Zischtig hole mer euses Auteli ab und göi de i Sea Life Park und düen sunscht no San Diego unsicher mache... Ev. träffe mer no dr Roger, dr bruun Sanktgaller und göi mit ihm ev. no bitz öpis go aluege. Nach ca. 2 Dääg fahre mer de Richtig Los Angeles und si dört für ca. 5 Dääg...

Am 27. Mai flieg i de am halbi 7ni morge vo LA uf New York und am 29. Mai flieg i zobe ab und chum am 30. Mai, 8.50 Uhr in ZÜRI ah... :)))

I wird Hawaii sehr vermisse... i ha würkli e mega tolli Ziit do gha und so vill tolli Mensche kenne glernt... !!! vermiss Euch jetzt scho... takes care and enjoy the rest of your time here... see you all back in Switzerland... (juhuu Fondueplausch :o) )

Old Lahaina Lua'u

what a wonderful evening...

mer si anes traditionells, ahnschinend ans sit über 60 Joors s'beschte, LUA'U.
Das isch es Fescht vo de Polynesier.

Wo mer i das Areal ine cho si, hei mer als erschtmol en Mai Tai becho (dr erscht Ort wo i KEI Uswiis han müesse zeige!!!) und e wunderschöne Lei. Nohär hett eus euse Chällner an Tisch brocht... bi rächt überrascht gsi, mer hei nämli nur e Chüssi gha und hei dämentsprächend am Bode müesse sitze :) Was die ganzi Sach natürli vill spannender gmacht hett :))

Nohär hei mer no chönne alles go aluege und ca. am 6i hei si s'Buffet eröffnet. Es hett alles Polynesischi Spezialitäte gäh - Tomatesalat mit Fisch, rohre Tunfischsalat, Poi (Taro) i jenschte Variante, Mahi Mahi-Fisch, Schwein vom unterirdische Ofe (wie i mim DVD, Mami und Papi :))), Güggeli etc... es isch alles soooo guet gsi :) Und zum Dessert hetts natürli Macadamianusstörtli gäh
(e Stück Heimat!! hett gschmöckt wie Bündner Nusstorte :)))

Nohär isch de d'Show losgange... Si hei d'Gschicht verzellt wie dr Hula entstande isch und wie er sich i dere Ziit entwicklet hett... Es git verschiedeni Arte... die einti gilt als Gebät, dört singe d'Tänzer sälber und si wärde vonere "Trummle" begleitet (also jo, sone Holzding wo si halt mit de Händ druf schlönd... ) und bi dere Art vo Hula lacht meh nid! Hingege bi dere Hulaart wo d'Ukulele und e fröhliche Gsang begleitet, dört lache si alli - und zwar immer! :)

Das isch mol wieder öpis Speziells und Unvergässlichs gsi! :D

Maui - the most beautiful Island!!!

alohaaaa... :)

I bi sitem Frittig in Maui, dr 2. bekanntische Insle vo Hawaii...

Si zwar erscht wenigi Dääg vergange, aber ha doch scho rächt vill erläbt....

agfange hetts mit dr Hiifahrt... Zur Abwächslig hei mer mol d'Fähri gno und nid s'Flugi. Am halbi 7ni Morge simer mit dr Super Ferry vo Honolulu uf Maui gschwumme... (mängisch würd me glaub lieber e bitz mehr zahle...) naaaja... am Afang ischs jo no guet gange, aber wo mer de ufs offene Meer cho si, hett das doch no rächti Wälle gha... und du hesch chum chönne laufe, ohni das links und rächts i d'Wand ine gheisch... I ha gschlofe... bi verwache... und gsprunge....!!!! au schön... :)

In Maui acho, hei mer scho mol gmerkt, do isch öpis andersch als uf de anderne Insle... Die Lüüt si sooo fründlich und vorallem säge si au mol ALOHA und nid eifach Hey :) Bi Alamo hei mer euses Auteli abgholt... Hei eigentlich dr günschtigscht Wage gmietet, becho hei mer das... tataaaa

De simer au scho mol richtig Lahaina...emnä mega schöne, härzige ¨Fischerdörfli". Am 5i Zobe (d'Schwiizer si pünktlich) simer de uf Wailuku zu eusem Hostel gange. Isch sehr schön gsi, aber die Hostelbsitzer hei doch ame bitz e E*** ab... :)) Aber es isch luschtig gsi, min Gaschtbrueder, dr Jöni, hei mer no atroffe und de simer wortwörtlich zum Mexikaner-um-die-Ecke go Znacht ässä (also für mi hetts nur Riis gäh).

Am negschte Daag simer am 5i morge wieder ufgstande, uf die 7ni hei mer e Snorkelingtour buecht :D (me glaubts mer jo chum, aber i gang i Hawaii go schwimme im Meer!!! :)))

Mit emne chline Schiff simer mit no villne anderne Amerikaner zu dr chline Insle Molokini gfahre... unterwägs hei mer no e Buckelwal mit sim Chind entdeckt... (Eigentlich wäre die nur zwüsche Novämber - März do...) Es isch rächt idrücklich gsi, wo mer de grossi Walfisch gseh händ usem Meer gumpe... Leider isch dr Fotiapparat chli zlangsam... :(

Acho in Molokini simer au scho is Wasser ghüpft, mit Flosse, Taucherbrülle und Schnorchel :D Zum erschte Mol hani die idrücklichi Unterwasserwält gseh!!! und i ha sogar Luscht uf me(h)r becho, aber i ha mi glaub schlussändlich mehr ume Haifisch kümmeret, wo nid cho isch, als uf die Fisch am Bode...

Am Nomidaag simer de uf Hana gfahre, emnä abglägene Hippiedorf!
617 Kurve, 56 Bruggene und 52 Mile bis ändlich dört achunnsch!!!! und Hana...

isch völlig USGSTORBE!!! es hett grad mol e chline Lade gha wo me allimögliche Stromkabel hett chönne chaufe und zwüsche drin mol no e Fläschli Wasser!!!!! (aber mer hei eus spöter lo säge, das witerhinde e wunderschöne BlackSandBeach gsi wär...!!!)

Am Sunntig, uf de Daag hani mi am meischte gfreut, simer am 3, am Morge, abgfahre... Mer si mit em Auto ufe Haleakala und hei vo dört us am 5i, dr Sunneufgang agluegt... Es isch wuuuunderschön gsi... nur am Schluss wo de ändlich dr gälbi Bolle cho wär si d'Wulche cho und hei alles verdeckt... Simer halt zrugg...völlig durchfrore und müed... :)

Am Nomidaag simer de no im Süde vo dr Insle duregfahre, und i ha mi zum erschte mol gfrogt, WÄR DIE STROSSE BAUT UF HAWAII!!!! E langs Stück, wo eigentlich würd grad us goh, aaaaber es hett x-Kürvli drin...me cha nid eifach druf los fahre... drzue hetts no Hügel und du sehsch nid was nohär chunnt... Anyway... statt 25m/h bini mit ca. 60m/h gfahre und das isch rächt witzig gsi...:))

do i mi so fescht i Lahaina verliebt ha, hani mer au e Erinnerig drvo lo stäche... :))))
(Mami & Papi, ihr wüsset jo dass i ame komischi Ideä ha... ;))

Jetzt gniess i no die letschte 5 Dääg in Lahaina... mer mache eifach paar Tagesusflügli... und hütt zobe göi mer ane Old Luau. Das isch sone traditionells Fescht bi de alte Polynesier und Hawaiianer, wo si mit Füürstäcke tanze und drzue gits feins Ässä :)

Graduation :)))

Am letschte Donnschtig hani min letschte Schueldaag gha... Es isch scho rächt komisch gsi, ufs mol chunnt wieder en neue Abschnitt und du muesch di au vo gwüssne Lüüt verabschiede... (aber mir Schwiizer sehnd eus jo wieder :)))

am Nomidaag hani de au mini 7e (oder mittlerwiile doch mehr) Sache dörfe zämäpacke bi dr Familie und parat mache für mini Abreis... Do i no uf e anderi Insle bi und nomol uf Honolulu zrugg chum, hanis Gepäck bi dr Family dörfe zwüschelagere :)) )

Happy Birthday to you...

häbbi börsdei tu juuu, häbbi börsdei tu juuu,

häbbi börsdei, liebs bruederhärzli, häbbi börsdei tu juuuu...

ha di ganz fescht gärn und dänk fescht an di

gniess de daag, wirsch nid alli joor e viertel joor hundert :))

muuuuuuuuuuuutz

letschte Schueldaag...

hütt hani min letschte Schueldaag gha...

isch also scho bitz e komsichs Gfühl gsi, vorallem ischs mer au bitz schwer gfalle mi vom Mike C. z'verabschiede, das isch eifach soooone luschtige Lehrer gsi (euse Karaoketeacher :)))

Am Nomidaag hani no mi Zügs zämäpackt und ha mini grosse Köffere no chönne bi dr Familie loh...

Morn am halbi 7ni morge fahre mer mit dr Fähri uf Maui :) Freu mi scho mega :D i blib dört bis am 16. Mai, chum zrugg uf Oahu und am 19. Mai flieg i ab uf San Diego... :) Freu mi scho mega uf die chli Städtereis :D

Bis bald wieder :D

Fotos folgen irgendwie, irgendwann und ebendann...

Honolulu - Short Citytour

Letscht Wuche bini mol fruehner usem Bus usgstige und dr Iolani Palace und d'King Kamehameha Statue go aluege.

Kauai, the Garden Island

sisch halt scho schoen, wenns schoen isch :)))


am Frittigmorge simer am 10vor 9i vo Honolulu uf Lihue, Kauai, gfloge. Dr Flug isch nid mol 37 Minute gange und mer si de au scho im Paradies acho... Nachdaem mer wieder euse hellblaue PT Cruiser gfasst hei simer mol richtig Blowhole im Suede gfahre. Das isch sone Loch im Bode und wenn e Waelle chunnt, de spruezt das Wasser wie en Springbrunne, aehnlich wie en Geysir, us daem Loch use... isch no raecht spanned gsi, vorallem hetts doent wie wenn e Walross wuerd quitsche :)
Nohaer simer no ine Koa-Holzlade, ha mer natuerli grad no paar schoeni Ohreringli und en schoene Armreif muesse boschte...

De hei mer eus ufe Waeg zu de Akaka Falls gmacht...das si 2 x 25m hohi Wasserfaell... Wunderschoen, nur wenn me die Chaetteli seht wo d'Luet fuer die Verstrobene hinterloh hei, de git das scho en Stich is Haerz... Leider muess me fuer gwuessi Luet wuerkli alles absperre... :(



Am spote Nomidaag hei mer de eus uf d'Suechi nach eusem Hotel gmacht und mer heis de doch mol no gfunde... (mer hei doch nid daenkt das mer sone schoens Hotel hei...) Mer si im ResortQuest Aloha Beach gsi. Sehr e schoens Hotel, diraekt am Meer.

Am Samschtig simer zum Waimea Canyon. Fuer mich isch das sehr idruecklich wie uf sonere chline Insle sone grosse Canyon hett choenne entstoh... Do mer no Glueck gha hei mit em Waetter hei mer all die verschiedene Farbe choenne gniesse... Leider seht me das uf dem Foti nid sooo guet wie mirs i aecht gseh hei...

Nach ere churze Wanderig simer mit em Auto witer in Subway wo mer aendlich mol oepis zaesse becho hei (es isch natuerli wiiiitus ueber 12:00 gsi!!!!) und de simer au scho witer Polihale State Beach Park. Nach dr Fahrt ueber e unteerti Stroos (waer jo eeeeigentlich verbote mit em Mietwage - sprich isch nuem versicheret) simer im Surfers Paradies acho... Nonie hani sooo grossi Waellene gseh... Aber es isch doch au do sehr gfoehrlich zum go schwimme wills e starki Unterwasserstroemig hett...




Am Sunntig hei mer eus vorgno mit em Catamaran ufs Meer zgoh und zu dr Na Pali Coast zfahre... Leider hei mer eus nid raecht informiert und si drum an falsche Ort... d'Schiff waere alli im Suede agfahre und mir si im Norde gsi... Naaaaja, simer halt z'Fuess losgwanderet... Dos gheisse hett es sig nur e Stund hei mer natuerli daenkt "easy".... Daniela mit de Flip Flop on the Way to the Na Pali Coast.... (Jede wo scho Jurassic Parc gseh hett wuesst, dass die Kueschte sehr steil cha si... :)))
Uf alli Faell, dr Hiiwaeg isch guet gange, ueber Stock und ueber Stein. Nur bim Ruckwaeg ischs de doch nuem so super gsi, vorallem nachdaem i uebere Stei gstolperet bi und min link Flip Flop kaputt gange isch... Laufe mer halt Barfuess witer... :)) Zum Glueck hetts de unde au grad es Meer gha wo i mini draeckige Fuess ha choenne go waesche... :D


Am Flughafe hei mer de no anderi Studaente vo dr Global Village atroffe und si mit dene de au uf Honolulu zrugg gfloge.

Wiedermol e wunderschoens Wucheaend gsi, mit villne tolle Idrueck :)


Kauai isch DIE grueni Insle vo Hawaii. I dr Mitti vo dr Insle gits e Baerg, das isch dr nassischt Ort vo dr Waelt... Doert raegnets grad mol 2 Daeg im Joor nid... :)) Do aber kei Stross doert ane fuehrt hei mer das nid gseh :( Villi Hollywoodfilm si uf Kauai dreiht worde, unter anderem Jurassic Parc und Blue Hawaii vom Elvies Presley.
Bis jetzt hett mir Kauai am Beschte gfalle, will d'Natur doert eifach traumhaft schoen isch. So e chraeftigs Gruen hani nonie gseh bi de Baeum!!!

Kokua Festival und andere Festereien

Juhuuuu, d'Michelle und d'Marina (eusi Lieblings-Luzärnerine) si wieder zrugg cho uf Oahu. Si sind für 2 Wuche go umereise und hei eus nomol bsuecht bevor si ganz hei göi...

Am Samschtig simer alli zämä ans Kokua Festival gange wo dr Jack Johnson sin grosse Uftritt gha hett :D leider hei mer keini Billet meh becho, aber mer heis eus uf dr Wiise bequem gmacht…

d'Michelle und dr schön Rägeboge

Nachdäm er Banana Pancake gsunge hett hetts de leider afo rägne und mer hei alli ziemlich chalt becho… Drum simer de au hei und hei eus uf die negscht Party vorbereitet… öpä am halbi 12i simer bi dr Kesang i dr Residänz itrutlet und hei no paar Spaghetti verdruckt… uf die 12i hei mer de d’Bowle vom Fabian und em Michi gholt… hmmm, es isch nid lang gange und mer heis rächt luschtig gha… :)

Am negschte Daag simer de doch relativ spot an Strand gange und si eifach nur fuul umegläge.. Zobe hei mer i dr Kaimuki Residänz no e BBQ gmacht...

Friday, 4/18/2008

letschte Frittig hei mer eus wieder vone paarne Studänte müesse verabschiede... :( dr Lionel vo Sion und d'Regina vo Japan hei eus verloh...

und Zobe hani mol wieder emnä Wunderschöne Sunneuntergang dörfe zueluege...

Dos au i Hawaii langsam ufe Summer zue goht, wirds au all wie wärmer... teilwies ischs mer scho fascht zu heiss... Aber es isch au schön, de d'Sunne goht jetzt doch scho e halb Stund spöter unter als früehner... sprich am 7ni wirds mol bitz dunkel... am 10 ab 7ni ischs stockdunkel :D

Big Island

Das isch wiedermol e super Wucheaend gsi...

Am Frittig morge si mir, dr Michi, dr Fabian, d'Kesang und I, am 7.03 vo Honolulu abgfloge und 7.50 hei mer Hilo, Big Island, erreicht. Mer hei scho die schoene , steile Klippe vom Flugi us choenne bestuune (leider hei mer die nohaer nuem choenne aluege... :(()

Nochdaem mer euse schoen Hellblau PT Cruser gfasst hei, simer diraekt an Akaka Fall gfahre, das isch en mega schoene, lange Wasserfall. Nach ca. 10Min. Fuessmarsch hei mer die Naturschoenheit entdeckt... Witer simer de richtig Mauna Kea. Zerscht hei mer eigentlich gfunde mer goei mol go luege, aber schlussaendlich simer de glich ufegfahre... :) Bim erschte Zwueschestopp hei mer mol eusi warme Sache uspackt und agleiht, aber dr Fabian hett umsverrecke sini Flip Flops welle abhalte :) Obwohl mer ueberall glaese hei, dass e 4x4 Radatrib muesch ha, simer mit eusem PT Cruser doch no obe acho... Teilwies waersch z'Fuess zwar schnaeller gsi, aber im Auto ischs doch bitz waermer gsi :))

Obe acho, hei mer mol die Observatoriae bestuunt und natuerli die Ussicht, obwohls so vill Wulche gha hett, hei mers gnosse...

Nohaer simer de iiiirgendwo zrugg gfahre, hei gmeint mer si in Irland, aber doert gits glaub nid so vill Ranches :) Zobe simer de i Hilo acho und hei im Hilo Bay Hostel icheckt. Doert hei mer no paar anderi vo dr Schuel atroffe.

Am Samschtig hei mer am 8.45 wieder am Flughafe muesse si, do mer am halbi 10ni mit em Helicopter vo de Paradies Helicopters e Flug uebere Vulkan hei doerfe mache. I ha naebem Bob, em Pilot, und em Michi doerfe sitze, bi raecht froh gsi, will mir hei dr Flug OHNI Tuere buecht... :))))
Waehrend 50 Minute simer ueber d'Macadamia Nuess-Faelder gfloge, nohaer de ans Meer wo d'Lava is Wasser fliesst und de no ueber e grosses Lavafaeld, bis mer de aendlich zum Vulkan cho si. De isch scho laengers Aktiv aber mer hei nur dr wiisi Rauch gseh... (VOG). Nohaer hei mer de aendlich mol choenne go Zmorge aesse... Am Nomidaag simer alles unde dure gfahre, mit em Zwueschestopp am Black Sand Beach. Iiiirgendwenn de simer aendlich mol in Kona acho.

Kona isch e mega haerzigs Staedtli uf Big Island. Vo doert chunnt dr beruehmti Kaffi haer sowie aus s'Bier Longboard (vo waege ES GIBT KEIN BIER AUF HAWAII...schwachsinn :)))

Was sehr spannennd isch, fuer mi aemel, uf Big Island laebe nur grad mol 10% vo dr gsamte Hawaiibevoelkerig... Drum hett me unterwaegs fascht nued choenne aluege und ichaufe...

Euses Hostel doert isch au haerzig gsi. Znacht hei mer imne Chinesische Restaurant gha und in Usgang simer mol ins Hard Rock und ine Rio Bar. Todmued simer de nach de 12e go pfuse... I dr Zwuescheziit isch de au dr 5i Mitbewohner vo eusem Zimmer acho... Aber de isch frueh am morge wieder gange (schoen ruhig:)))

Eigentlich hei mer en schoene Stranddaag welle mache, will die andere 2 Daeg doch sehr astraengend gsi sind, aaaaber bis me mol e Strand findet uf Big Island... Imne Luxus Resort, Hilton, Marriot, 4 Season..., hei mer de mol e Plaetzli fuer euses Auto gfunde.... Uuund, mer hei en meeega schoene Strand entdeckt... :))

Am 7.40 Zobe simer de vo Hilo wieder zrugg uf Big Island gfloge...