Honolulu - Short Citytour

Letscht Wuche bini mol fruehner usem Bus usgstige und dr Iolani Palace und d'King Kamehameha Statue go aluege.

Kauai, the Garden Island

sisch halt scho schoen, wenns schoen isch :)))


am Frittigmorge simer am 10vor 9i vo Honolulu uf Lihue, Kauai, gfloge. Dr Flug isch nid mol 37 Minute gange und mer si de au scho im Paradies acho... Nachdaem mer wieder euse hellblaue PT Cruiser gfasst hei simer mol richtig Blowhole im Suede gfahre. Das isch sone Loch im Bode und wenn e Waelle chunnt, de spruezt das Wasser wie en Springbrunne, aehnlich wie en Geysir, us daem Loch use... isch no raecht spanned gsi, vorallem hetts doent wie wenn e Walross wuerd quitsche :)
Nohaer simer no ine Koa-Holzlade, ha mer natuerli grad no paar schoeni Ohreringli und en schoene Armreif muesse boschte...

De hei mer eus ufe Waeg zu de Akaka Falls gmacht...das si 2 x 25m hohi Wasserfaell... Wunderschoen, nur wenn me die Chaetteli seht wo d'Luet fuer die Verstrobene hinterloh hei, de git das scho en Stich is Haerz... Leider muess me fuer gwuessi Luet wuerkli alles absperre... :(



Am spote Nomidaag hei mer de eus uf d'Suechi nach eusem Hotel gmacht und mer heis de doch mol no gfunde... (mer hei doch nid daenkt das mer sone schoens Hotel hei...) Mer si im ResortQuest Aloha Beach gsi. Sehr e schoens Hotel, diraekt am Meer.

Am Samschtig simer zum Waimea Canyon. Fuer mich isch das sehr idruecklich wie uf sonere chline Insle sone grosse Canyon hett choenne entstoh... Do mer no Glueck gha hei mit em Waetter hei mer all die verschiedene Farbe choenne gniesse... Leider seht me das uf dem Foti nid sooo guet wie mirs i aecht gseh hei...

Nach ere churze Wanderig simer mit em Auto witer in Subway wo mer aendlich mol oepis zaesse becho hei (es isch natuerli wiiiitus ueber 12:00 gsi!!!!) und de simer au scho witer Polihale State Beach Park. Nach dr Fahrt ueber e unteerti Stroos (waer jo eeeeigentlich verbote mit em Mietwage - sprich isch nuem versicheret) simer im Surfers Paradies acho... Nonie hani sooo grossi Waellene gseh... Aber es isch doch au do sehr gfoehrlich zum go schwimme wills e starki Unterwasserstroemig hett...




Am Sunntig hei mer eus vorgno mit em Catamaran ufs Meer zgoh und zu dr Na Pali Coast zfahre... Leider hei mer eus nid raecht informiert und si drum an falsche Ort... d'Schiff waere alli im Suede agfahre und mir si im Norde gsi... Naaaaja, simer halt z'Fuess losgwanderet... Dos gheisse hett es sig nur e Stund hei mer natuerli daenkt "easy".... Daniela mit de Flip Flop on the Way to the Na Pali Coast.... (Jede wo scho Jurassic Parc gseh hett wuesst, dass die Kueschte sehr steil cha si... :)))
Uf alli Faell, dr Hiiwaeg isch guet gange, ueber Stock und ueber Stein. Nur bim Ruckwaeg ischs de doch nuem so super gsi, vorallem nachdaem i uebere Stei gstolperet bi und min link Flip Flop kaputt gange isch... Laufe mer halt Barfuess witer... :)) Zum Glueck hetts de unde au grad es Meer gha wo i mini draeckige Fuess ha choenne go waesche... :D


Am Flughafe hei mer de no anderi Studaente vo dr Global Village atroffe und si mit dene de au uf Honolulu zrugg gfloge.

Wiedermol e wunderschoens Wucheaend gsi, mit villne tolle Idrueck :)


Kauai isch DIE grueni Insle vo Hawaii. I dr Mitti vo dr Insle gits e Baerg, das isch dr nassischt Ort vo dr Waelt... Doert raegnets grad mol 2 Daeg im Joor nid... :)) Do aber kei Stross doert ane fuehrt hei mer das nid gseh :( Villi Hollywoodfilm si uf Kauai dreiht worde, unter anderem Jurassic Parc und Blue Hawaii vom Elvies Presley.
Bis jetzt hett mir Kauai am Beschte gfalle, will d'Natur doert eifach traumhaft schoen isch. So e chraeftigs Gruen hani nonie gseh bi de Baeum!!!

Kokua Festival und andere Festereien

Juhuuuu, d'Michelle und d'Marina (eusi Lieblings-Luzärnerine) si wieder zrugg cho uf Oahu. Si sind für 2 Wuche go umereise und hei eus nomol bsuecht bevor si ganz hei göi...

Am Samschtig simer alli zämä ans Kokua Festival gange wo dr Jack Johnson sin grosse Uftritt gha hett :D leider hei mer keini Billet meh becho, aber mer heis eus uf dr Wiise bequem gmacht…

d'Michelle und dr schön Rägeboge

Nachdäm er Banana Pancake gsunge hett hetts de leider afo rägne und mer hei alli ziemlich chalt becho… Drum simer de au hei und hei eus uf die negscht Party vorbereitet… öpä am halbi 12i simer bi dr Kesang i dr Residänz itrutlet und hei no paar Spaghetti verdruckt… uf die 12i hei mer de d’Bowle vom Fabian und em Michi gholt… hmmm, es isch nid lang gange und mer heis rächt luschtig gha… :)

Am negschte Daag simer de doch relativ spot an Strand gange und si eifach nur fuul umegläge.. Zobe hei mer i dr Kaimuki Residänz no e BBQ gmacht...

Friday, 4/18/2008

letschte Frittig hei mer eus wieder vone paarne Studänte müesse verabschiede... :( dr Lionel vo Sion und d'Regina vo Japan hei eus verloh...

und Zobe hani mol wieder emnä Wunderschöne Sunneuntergang dörfe zueluege...

Dos au i Hawaii langsam ufe Summer zue goht, wirds au all wie wärmer... teilwies ischs mer scho fascht zu heiss... Aber es isch au schön, de d'Sunne goht jetzt doch scho e halb Stund spöter unter als früehner... sprich am 7ni wirds mol bitz dunkel... am 10 ab 7ni ischs stockdunkel :D

Big Island

Das isch wiedermol e super Wucheaend gsi...

Am Frittig morge si mir, dr Michi, dr Fabian, d'Kesang und I, am 7.03 vo Honolulu abgfloge und 7.50 hei mer Hilo, Big Island, erreicht. Mer hei scho die schoene , steile Klippe vom Flugi us choenne bestuune (leider hei mer die nohaer nuem choenne aluege... :(()

Nochdaem mer euse schoen Hellblau PT Cruser gfasst hei, simer diraekt an Akaka Fall gfahre, das isch en mega schoene, lange Wasserfall. Nach ca. 10Min. Fuessmarsch hei mer die Naturschoenheit entdeckt... Witer simer de richtig Mauna Kea. Zerscht hei mer eigentlich gfunde mer goei mol go luege, aber schlussaendlich simer de glich ufegfahre... :) Bim erschte Zwueschestopp hei mer mol eusi warme Sache uspackt und agleiht, aber dr Fabian hett umsverrecke sini Flip Flops welle abhalte :) Obwohl mer ueberall glaese hei, dass e 4x4 Radatrib muesch ha, simer mit eusem PT Cruser doch no obe acho... Teilwies waersch z'Fuess zwar schnaeller gsi, aber im Auto ischs doch bitz waermer gsi :))

Obe acho, hei mer mol die Observatoriae bestuunt und natuerli die Ussicht, obwohls so vill Wulche gha hett, hei mers gnosse...

Nohaer simer de iiiirgendwo zrugg gfahre, hei gmeint mer si in Irland, aber doert gits glaub nid so vill Ranches :) Zobe simer de i Hilo acho und hei im Hilo Bay Hostel icheckt. Doert hei mer no paar anderi vo dr Schuel atroffe.

Am Samschtig hei mer am 8.45 wieder am Flughafe muesse si, do mer am halbi 10ni mit em Helicopter vo de Paradies Helicopters e Flug uebere Vulkan hei doerfe mache. I ha naebem Bob, em Pilot, und em Michi doerfe sitze, bi raecht froh gsi, will mir hei dr Flug OHNI Tuere buecht... :))))
Waehrend 50 Minute simer ueber d'Macadamia Nuess-Faelder gfloge, nohaer de ans Meer wo d'Lava is Wasser fliesst und de no ueber e grosses Lavafaeld, bis mer de aendlich zum Vulkan cho si. De isch scho laengers Aktiv aber mer hei nur dr wiisi Rauch gseh... (VOG). Nohaer hei mer de aendlich mol choenne go Zmorge aesse... Am Nomidaag simer alles unde dure gfahre, mit em Zwueschestopp am Black Sand Beach. Iiiirgendwenn de simer aendlich mol in Kona acho.

Kona isch e mega haerzigs Staedtli uf Big Island. Vo doert chunnt dr beruehmti Kaffi haer sowie aus s'Bier Longboard (vo waege ES GIBT KEIN BIER AUF HAWAII...schwachsinn :)))

Was sehr spannennd isch, fuer mi aemel, uf Big Island laebe nur grad mol 10% vo dr gsamte Hawaiibevoelkerig... Drum hett me unterwaegs fascht nued choenne aluege und ichaufe...

Euses Hostel doert isch au haerzig gsi. Znacht hei mer imne Chinesische Restaurant gha und in Usgang simer mol ins Hard Rock und ine Rio Bar. Todmued simer de nach de 12e go pfuse... I dr Zwuescheziit isch de au dr 5i Mitbewohner vo eusem Zimmer acho... Aber de isch frueh am morge wieder gange (schoen ruhig:)))

Eigentlich hei mer en schoene Stranddaag welle mache, will die andere 2 Daeg doch sehr astraengend gsi sind, aaaaber bis me mol e Strand findet uf Big Island... Imne Luxus Resort, Hilton, Marriot, 4 Season..., hei mer de mol e Plaetzli fuer euses Auto gfunde.... Uuund, mer hei en meeega schoene Strand entdeckt... :))

Am 7.40 Zobe simer de vo Hilo wieder zrugg uf Big Island gfloge...

aloha oahu

ich maeld mi ab fuer 4 Daeg... :) Morn am 7ni Morge fliege mer ab uf Big Island und choeme am Sunntig am halbi 9i Zobe wieder zrugg...

I hoff me seht glich bitz oepis...dr Vulkan isch jo wieder usbroche und ahnschinend hetts e extreme Schwaefelnaebel... (ahnschinend doerfe die Iheimische nur e Stund am Daag use, aber mir hei noche gluegt, so schlimm soetts nid si...)

Bi gspannt, wird sicher super...am Samschtig hei mer am halbi 9i Morge dr Helicopter Rundflug fuer 50 Minute... Juhuuuu :))

Bis bald wieder

Aloha und Mahalo

somewhere over the rainbow...

i soett jo no bitz oepis schriibae zu dene foeteli :))

also am samschtig vor ere wuche hei mer mol wieder es auto gmietet, en MINI VAN... isch no raecht luschtig gsi zum umefahre :)

zerscht simer an Pearl Harbor... hei gfunde mer soette das scho mol gseh... nur dr Itritt isch raecht ueberrisse gsi und drum hei mer nur Foeteli vo usse gmacht...



und nohaer simer grad uebere kamehameha highway richtig norde, mit zwueschestopp bi dr ananas plantage...


mit em Pineapple Express simer dur die halbi Alag gfahre :) und am Schluss hei mer no e Ananas doerfe probiere :))

Witer ischs an North Shore Beach...




Zobe simer zwar alli mega mued gsi, aber mer si glich no ane Karaoke Party wo dr eint Studaent vo dr Schuel organisiert hett (natuerli en Japaner...)


sorry, aber irgendwie hetts nid so klappt mit em Foeteli dreihe...das isch dr Roger vo St. Galle... I bi uebrigens au schoen bruun, obwohl me das uf daem Foti nid so seht... aber do er en Profivolleyballer isch nimmt er d'Brueni au schnaeller ah...

dr Chris und Ich, er isch vo Sissle...(Mir muend do zaeme hebe, naeb dene villne Zuercher wos no hett :)))))

Am Sunntig simer de diraekt d'Oschtkueschte ufe gfahre...die hett mir am beschte gfalle...s'hett sooo vill schoeni Straend und s'Meer isch wie im Bilderbuech :))

Unterwaegs hei mer no en Stop gmacht bim Byodo In Taempel... isch no raecht speziell gsi...ufem Waeg zum Taempel simer uebere Fridhof gfahre, vo de Japaner, naebe bi hei anderi Japse ihres Barbeque gmacht... naja...

natuerli simer de no am Waimea Beach go baedele und hei vo unterwaegs us no paar tolli Fotis gmacht vo dene Klippene :)))

Zobe simer de no alli zaeme is Duke's go aesse, will d'Michelle und d'Marina leider scho hei si :((